27 августа, в Неделю12-ю по Пятидесятнице, Предпразднство Успения Пресвятой Богородицы, день памяти преподобного Феодосия Печерского митрополит Иваново-Вознесенский и Вичугский Иосиф совершил Божественную литургию в Успенском кафедральном соборе города Иваново.
Владыке сослужили клирики Успенского кафедрального собора и Успенского мужского монастыря г.Иваново.
Тропарь преподобному Феодосию Печерскому, глас 8
Возвысився на добродетель, измлада возлюбив монашеское житие, / к желанию доблественне достиг, вселился еси в пещеру / и, украсив житие твое пощением и светлостию, / в молитвах, яко безплотен, пребывал еси, / в Российстей земли, яко светлое светило, просияв, отче Феодосие, // моли Христа Бога спастися душам нашим.
Кондак преподобному Феодосию Печерскому, глас 3
Звезду Российскую днесь почтим, / от востока возсиявшую и на запад пришедшую, / всю бо страну сию чудесы и добротою обогатившу и вся ны / содеянием и благодатию монашескаго устава, // блаженнаго Феодосия.
Ин тропарь преподобному Феодосию, глас 8
Православия наставниче, / благочестия учителю и чистоты, / вселенныя светильниче, / архиереев богодухновенное удобрение, / Феодосие премудре, / ученьми твоими вся просветил еси, цевнице духовная, // моли Христа Бога спастися душам нашим.
Ин кондак преподобному Феодосию, глас 8
Наследник отцев был еси, преподобне, / тех последуя житию и учению, / обычаю и воздержанию, / молитве же и предстоянию. / С нимиже, имея дерзновение ко Господу, / прощение согрешений и спасение испроси вопиющим ти: // радуйся, отче Феодосие.
Тропарь преподобным отцам Киево-Печерским, глас 4
Мысленное солнце и светлую луну, / первоначальных Печерских, / со всем собором преподобных днесь почтим, / тии бо, церковную твердь озаряюще, / просвещают во тьме страстей бедствующих, / и подают от Христа Бога молитвами своими помощь во всех скорбех, // и душам нашим просят избавления.
Кондак преподобным отцам Киево-Печерским, глас 8
Избраннии от всех родов угодницы Божии, / святии преподобнии Печерстии, / на сих горах добродетельми просиявшии, / вас земля не потаила есть, / но Небо отверзеся вам и райское селение. / Темже мы похвальныя песни Богу, прославльшему вас, / в памяти вашей приносим; вы же, яко имущии дерзновение, / ваш собор почитающих от всех бед молитвами вашими заступайте, // яко заступницы наши и к Богу ходатаи.
Тропарь преподобным Феодосию и Антонию Печерским, глас 4
Звезды мысленныя, / просиявшия на тверди Церковней, / иноков Российских основание, / песньми, людие, почтим, / радостныя похвалы сим воздающе, / радуйтеся, преблаженнии отцы, Антоние со Феодосием богомудрым, // присно молящиися о возследствующих и чтущих память вашу.
Ин тропарь преподобным Феодосию и Антонию Печерским, глас 3
Двоицу начальных российских светил почтим, / Антония, Богом посланнаго, и Феодосия, Богом дарованнаго: / тии бо первии, равноангельным в России житием просиявше от гор Киевских, / осветиша отечествия нашего вся концы, / и путь к Небеси правый многим показаша, / и, первоотцы иноком бывше, лики спасаемых Богови приведоша, // и ныне, предстояще в вышних немерцаемому Божества Свету, молятся о душах наших.
Кондак преподобным Феодосию и Антонию Печерским, глас 8
Двоицу великих отец и правило иноков светлое, / умныя зари, онебесившия Российскую Церковь / кто по достоянию хвалами воспоет? Тии бо Престолу Божию предстоят. / Но яко имущии дерзновение к Святей Троице, / Антоние преблаженне и Феодосие приснопамятне, / молитеся о молебная вам приносящих // и любовию песньми вас ублажающих.
Ин кондак преподобным Феодосию и Антонию Печерским, глас 2
Твердыя столпы благочестия, / недвижимая иноческих законоположений основания, и необоримыя стены Российския восхвалим: / Антониа, возлюбльшаго Бога, и Феодосиа, возлюбленнаго Богом: / труды бо онех и постническия подвиги прият паче всякаго всеплодия, // Един во святых прославляемый.
